| Dyma gyhoeddi cyfres o ddigwyddiadau ymgynghori anffurfiol ar draws siroedd y Fflint a Wrecsam, gyda’r bwriad o roi cyfle i deuluoedd, plant a phobl ifanc, siaradwyr newydd a phrofiadol i rannu syniadau ar weithgarwch Cymraeg yn ein cymunedau.
Bydd y sesiynau yn cynnwys cyfle am baned, sgwrs a thrafodaeth gyda thîm Menter Iaith Fflint a Wrecsam, ynghyd a gweithgareddau llawn hwyl i ddiddanu plant a theuluoedd. O ddawnsio mewn Disgo Distaw, i roi cwtsh a phawen lawen i Magi Ann a mwy. Felly dewch i ymuno yn un o’r sesiynau gan helpu i lywio gwaith y Fenter dros y blynyddoedd nesaf: -Dydd Sadwrn 10.10.26 -Dydd Sadwrn 24.10.26 -Dydd Sadwrn 06.02.27 -Dydd Sadwrn 20.03.27 Bydd croeso cynnes i bawb, o unigolion, i fudiadau, i grwpiau cymdeithasol ac i deuluoedd. Dewch i glywed am ein gwaith i gynyddu defnydd o’r Gymraeg ac i fwynhau bore neu brynhawn o sgwrsio a chwarae yn y Gymraeg. Mae’r digwyddiadau galw heibio uchod oll am ddim ac nid oes angen archebu lle. Bydd manylion pellach ynghyd a lleoliadau a dyddiadau eraill yn cael eu cyhoeddi ar ein cyfryngau cymdeithasol, yn ein newyddlen ac ar ein gwefan. |
Y Fenter Iaith ar Daith
Hydref 10, 2026 10:00 am - Mawrth 20, 2027 4:00 pm Amrywiol | Various